ସେରକ ପୁରିଲା, ମାଣକ ପୁରିଲା ଉଠରେ ପୁତା ଉଠ
ତରୁ ଡାଳେ ବସି ବାହୁନି ବାହୁନି କାନ୍ଦଇ କପୋତ ମାତା ସେରକ ପୁରିଲା, ମାଣକ ପୁରିଲା ଉଠରେ ଉଠରେ ପୁତା। ଏଥିରେ କପୋତ ଓ କୁଆର କାହାଣୀ ଵର୍ଣ୍ଣନା କରାଯାଇଛି। କପୋତ ତା' ଶାବକକୁ ମାପି ଧାନ ଦେଲା। କୁଆ ବି। ଯେତେବେଳେ କୁଆ ତା' ଶାବକର ଚାଉଳ ମାପିଲା, ଧାନ ସହ ସମାନ ମାପ ହେଲା କାରଣ କୁଆର ଶାବକ ଚାଉଳରୁ କୁଣ୍ଡା ଓ ତସୁ ( ଧାନର ମୋଟାଚୋପା) ଅଲଗା କରି ନ ଥିଲା। କପୋତ ତା' ଶାବକ ଯାହା ଆଣିଥିଲା, ମାପିବାରୁ ସେରକ ପୁରିଲା ମାତ୍ର ମାଣକ ପୁରିଲା ନାହିଁ ( ଅର୍ଥାତ୍ କମ୍ ହେଲା।)। ଏଣୁ ରାଗରେ ତା ଶାବକକୁ ଖୁମ୍ପି ଖୁମ୍ପି ମାରିଦେଲା। ପରେ ଦେଖିଲା, ତା' ଶାବକ କେବଳ ପରିଷ୍କୃତ ଚାଉଳ ଆଣିଛି। କୁଣ୍ଡା ଓ ତସୁକୁ ଅଲଗା ରଖିଛି। ଏବେ ସେ ସବୁକୁମିଶାଇ ମାପ କରିବାରୁ, ସେରକ ଓ ମାଣକ ଉଭୟ ପୁରା ହେଲା। ଅର୍ଥାତ୍ ଯେତିକି ଧାନ ଦେଇଥିଲା, ତାହାର ହିସାବ କପୋତ ପାଇଗଲା। ଏବେ ସେ ନିଜ ଭୁଲ୍ ବୁଝିପାରି ଅନୁତପ୍ତ। ଯେତେ ତା' ଶାବକକୁ ଡାକିଲା, "ସେରକ ପୁରିଲା................... ଉଠରେ ଉଠରେ ପୁତା " ସେ ଆଉ ଉଠିଲା ନାହିଁ। ପୁତା= ଛୋଟ ଶିଶୁ, ସନ୍ତାନକୁ ଆଦରରେ ପୁତା ଡକାଯାଏ। ସେରକ= ଏକ ସେର( ମାପ ଵିଶେଷ) ମାଣକ = ଏକ ମାଣ ( ମାପ ଵିଶେଷ) (ଉଭୟ ଆୟତନର ମାପ) Measure of Volume ଶିକ୍ଷା :- ଆଗ ଭଲକରି ବିଷୟରେ ପୁଙ୍ଖାନୁପୁଙ୍ଖ ଅନୁଶୀଳନ କରି ସିଦ୍ଧାନ୍ତରେ ପହଞ୍ଚିବ। ହଠାତ୍ ଉତ୍କ୍ଷିପ୍ତ ହେବା